" الزمالك التكتيكي "
بلعنة جامايكا والكثيير من التوفيق .. الاسماعيلي بيفلت من هزيمة كبيرة امام الزمالك في افضل مباريات الزمالك من فترة ولكن المحصلة تعادل !
للاسف بنضيع فوز سهل جدا امام الاسماعيلي بسبب الحظ مره والاستهتار مره وجاميكا مرات .. الفرق الكبيره دايما بتظهر شخصيتها في ماتشات زي دى انها تكسب من هجمه واحده بفرصة واحده تقضي بيها على المباراة
هنستعرض تشكيل المباراة كالاتى :
" الشكل الدفاعي "
باتشيكو بيعتمد على نفس الشكل الدفاعي بالتزام رباعي الدفاع مع ثنائي الوسط بالدفاع مع مسانده من الاجنحة لاغلاق المساحات تماما
باتشيكو بيعتمد على تمرين اللاعبين على نظم لعب " Ball control " وهو نظام بيعتمد على التحكم في مجريات المباراة بشكل دائم وخصوصا التركيز على دور نص الملعب اللي بيكون هو العامل الاساسي في النظام ده
الفريق بضغط ممتاز جدا على الاسماعيلي من نص ملعبه مع تقفيل مميز للمساحات عملت فجوة بين صانع اللعب وانطوي فقضت على خطورة الاسماعيلي على طول خصوصا في الشوط الاول
على جبر ودوايدر ادوا مباراة ممتاز دفاعيا وقضوا تماما على خطورة جون انطوي اللي مخدش نفسه غير في اخر 25 دقيقة مع شوية دربكة او عدم تركيز من دوايدر للاسف كانت ممكن تكلف الزمالك كثير
احمد سمير رتم اداءه بيعلى ماتش بعد ماتش لكنه دفاعيا كان في الشوط التانى مش كويس وكانت الهجمات من عنده
عمر جابر هايل دفاعيا وقفل كل المساحات على ابراهيم حسن لكن للاسف عمر هجوميا ضعيف خاصة العرضيات اللي بقى سئ جدا جدا فيها
طارق حامد بيادى اداء رائع الموسم ده باداء ثابت يستحق الاشاده عليه .. استخلاص ممتاز مع باصات دقيقة بتوصل لطرفى الملعب مع مساعده لعمر جابر على غلق الجبهة الشمال للاسماعيلي تماما
احمد توفيق اداء ثابت ومميز ولكنه بيعيبه شويه دوره الدفاعي اللي من رايي ان ابراهيم صلاح افضل منه فيه .. ابراهيم بيدى اريحية كبيرة للاجنحة في الانطلاق للامام
اما توفيق بيزيد هجوميا فبيضطر مؤمن وشعبان في الرجوع معاه للتغطية بشكل دائم غير الثغرة اللي ساعات بتبقى موجوده في الوسط وبتشكل خطورة من التسديدات بالشكل الاتى :
الصورة توضح الثغرة او الفراغ بين الدفاع والوسط في بعض الكرات وهي ما قد تتضح من الشكل الاتى :
" الشكل الهجومي "
الشكل الهجومي اختلف الماتش ده شعبان بقى ملتزم دفاعيا عكس مباراة المصرى اللي كان هجوميا اكثر اما مؤمن فكان عكس شعبان واخد الماتش ده حرية هجومية
توفيق بيميل للشمال عشان يغطى على تقدم احمد سمير مع تحفظ دفاعي من عمر جابر في اغلب الكرات لوجود ابراهيم حسن
باسم مرسى بقى الـ ( Central forward ) وخالد بقى الـ ( deep lying forward ) .. خالد بقى بينزل في مركز صانع الالعاب ويستلم على طول
مركز خالد كنت افضل طالما بيلعب كده يلعب بايمن حفنى بدلا منه لانه حتى لو اجاد فيه خالد فحفنى افضل كثيير في المركز ده لانه مركزه الحقيقي مش مركزه انه يكون جناح له واجبات دفاعية
لان الامر ده بيسحب من مخزون اللياقة عنده ده اولا . ثانيا : بيحرم الزمالك من اهمية حفنى في المرتدات بشكل كبير جدا
شعبان ظهر بمستوى مميز في الشوط التانى خصوصا في العرضيات الهايلة له لباسم جوه المنطقة لكن كان مختفى تماما الشوط الاول بسبب التزامه بدور دفاعي بمراقبة بهاء مجدي ومنعه من التقدم
مؤمن زكريا لعب واحده من افضل مبارياته من رايي تكتيكيا وفنيا .. مؤمن كان مزعج جدا لمحمود متولى طوال المباراة وادى دور هجومي ممتاز جدا
مؤمن لو كان جاب فرصة من فرصه كانت في ناس هتقول انه نجم المباراة .. مؤمن بيقوم بادوار تكتكية مركبة صعب اي لاعب غيره يعملها
مع نزول زيكا وخطاب من الاسماعيلي الزمالك هجوميا اصبح ضعيف شويا بسبب الضغط السريع اللي فرضه ريكاردو على الزمالك عشان يمنع خطورة الاجنحة
الضغط ده مش بيتضرب غير بجمل تكتكية منظمة او بالمهارات الفريدة زي ايمن حفنى او مصطفى فتحى اللي كان هيفرق كثيير لو كان موجود
باسم مرسى كالعادة نجم فوق الممتاز .. مباراة ممتازه لباسم من تحركات ممتازه جدا طوال المباراة لراسيات غاب عنها التوفيق وانقذات جاميكا العجيبة
ليست هناك تعليقات:
إرسال تعليق