" الزمالك التكتيكي .. مباراة دمنهور "

 الزمالك وكالعادة بيقلق جمهوره ويوتره لاخر دقيقة ويحقق فوز صعب على دمنهور رغم انه كان سهل وسهل جدا لكن احنا دايما اللي بنصعبه على نفسنا 

يعود الحق لأصحابه من جديد ويعود الزمالك للصدارة المستحقة بعد خسارة انبي وبينهي الزمالك العام بطلا للشتاء رغما عن المنظومة الفاسدة 

 هنستعرض تشكيل الفريق 

 

تشكيل هجومي بيعتمد على ثنائي هجومي زي باسم مرسى وبينزل شويا لتحت وخالد قمر بيثبت في المنطقة وجناحين مؤمن وعيد وبينزل في الهجمة مؤمن كأنسيد فرود في هجمة الزمالك

هي تشكيلة مناسبة للمباراة لكن افتقد الفريق للعنصر الفعال مع التشكيل ده وهي الكرات العالية بشكل مكثف اللي مع اول عرضية سجل الزمالك هدفه الاول 

اللعب على ملعب صغير خصوصا ان اغلب لعب الفريق باصات على الارض فلازم يكون في جناحين عندهم مهارة فردية زي مصطفى فتحى وده اللي غطى عليه بشكل كبير احمد عيد 

 

" الشكل الدفاعي "

  

وفي الهجمة على الزمالك بيرجع ابراهيم صلاح يتمركز كـ Dmf وبيرجع معروف يلعب كـ Dmf تانى مع ابراهيم صلاح وبيرجع مؤمن زكريا كثالث لكن متقدم معاهم كـ Cmf واحمد عيد بيغطى دفاعيا مع صالح موسى 

الزمالد دفاعيا كان شكله افضل دفاعيا في الشوط الاول كان في تنظيم دفاعي ممتاز من دوايدر وكوفى وكان بيلتزم صالح موسى معاهم كثيرا دفاعيا ولكن في الشوط التانى ظهر دفاع الزمالك بشكل مهتز جدا 

وده سبب الاول هو ان دوايدر لاول مره بيلعب بجانب كوفى  وصالح موسى وسببه التانى هو سرحان دوايدر في الكور الثابتة بعيدا تماما عن عمق الدفاع خصوصا في اخر 20 دقيقة اللي كان الزمالك

بيحتاج تركيز كبير من دوايدر خصوصا ان دمنهور نزل مهاجم تانى بجانب ابوكونيه فكان لازم رقابة لصيقة عليهم 

بشكل عام دوايدر كان مستواه مقبول نوعا ما ولكن افتقد الزمالك لوجود على جبر في الكور الثابتة على الرغم ان على عنده بعض العيوب الدفاعية اللي بدأت تظهر عنده 

كوفى من بعد الايقاف ليس كوفى اللي نعرفه انخفاض كبير في مستواه نتمنى مع رجوعه من كاس الامم يرجعلنا سوبر كوفى من جديد باذن الله

احمد سمير من سئ لاسوء للاسف احد عيوب اللاعب الصغير هو انه لما بيأدى بشكل سئ في مباراة ويشيلها بتفقده الثقة في نفسه لعدة مباريات .. احمد سمير لاعب ممتاز وموهوب جدا وقادر أنخ يرجع ويعوص غياب عبد الشافي ان شاءالله

صالح موسى ادى مباراة جيده جدا رغم بعض الاخطاء لكن من الصعب انك تركن لاعب اكثر من 14 ماتش ومع اول ماتش منتظر منه انه يأدى بشكل ممتاز على الرغم من عدم قناعتي بقدرات صالح من الاساس

اعتقد اسلام جمال جدير الفترة الجاية بالفرصة جدا خصوصا مع غياب كوفى لفترة طويلة بسبب كاس الامم الافريقية .. اسلام جمال مدافع مقاتل اعتقد انه لو خد الفرصة صعب جدا حد يقعده على الدكة من تانى 

ابراهيم صلاح ادى مباراة جيده وافضل من مباراة انبي والجونة بالتاكيد ولكن مش هو ده مستوى ابراهيم صلاح المنتظر منه و وضح جدا تاثير غياب طارق حامد على وسط الملعب 

معروف يوسف مع انه لم يكن في افضل حالاته بس كان احد مفاتيح لعب الزمالك الهجومية .. معروف عنده ميزة عن كل لاعيبة وسط الزمالك نه لاعب قادر على امتلاك الكرة لاطول فترة ممكنة وقادر على نقل الهجمة بسرعة

" الشكل الهجومي "

 

 

وفي الهجمة للزمالك بيرجع ابراهيم صلاح يتمركز كـ Dmf وبيتقدم معروف لمركز Amf وبيشكل خطورة مع ثنائي الطرفين والاثنين مهاجمين .. الزمالك كانت اغلب خطورته عن طريق جبهة احمد عيد اليمنى في الشوط الاول مع تقدم حذر من صالح موسى لقدام

بعد الهدف رتم الزمالك بدأ يقل والرتم الضعيف ده مش مفيد للفريق قدام الفرق الصغيره اللي في بداية الماتش بتكون مرتبكة وعندها رهبة ولازم دايما تخطفها بجول ثم الثانى فتقضى تماما على معنويتهم

لكن انك تسيب لهم المبادرة وترجع تدافع ده بيحررهم من خوفهم الافضل هو انك تمسك كرة في وسط الملعب وتلعب على الـ short pass تقضى على معنويات الخصم

ثانى امر الزمالك بيحتاج لاعب عنده مهارة فردية زي ايمن حفنى امام الفرق الصغيره خصوصا بعد تسجيل هدف .. وجود حفنى لسبب وهو انه يستغل المساحات الفاضية الكثير اللي بيتركها الخصم خلف دفاعتهم في الهجمة 

اعتقد ان احمد عيد ادى افضل مبارياته في المباراة من خلال قيادته للشق الهجومي للفريق بشكل ممتاز وصناعة هدفيين بشكل ممتاز مع ضغط ممتاز وتحرك سريع في كل انحاء الملعب وهو مستوى متشفش من عيد منذ قدومه للزمالك هو مستوى احمد عيد الحرس 

مؤمن زكريا رغم انه لم يؤدى مباراة جيده ولكن لاعب زي مؤمن بتمكن اهميته في انه لاعب حتى لو مستواه سئ بيظهر في الاوقات الحاسمة للمباراة 

باسم مرسى كان في اسوء حالاته في المباراة .. باسم لازم يعرف انه حاليا المهاجم الاول للزمالك وانه لازم يكون تركيزه في الملعب كبير لانه لو فقد تركيزه كثير هيكون مكانه الدكة مع ثقتي الكبيره في قدرات باسم كلاعب مهم جدا للفريق

خالد قمر بيرجع من جديد بيستعيد الثقة وان كانت جزئية .. لاعب زي خالد قمر هو مهاجم صندوق مش هيأدى بافضل ما عنده طول ما هو بيلعب تحت باسم وظهرت خطورته لما طلع باسم ولعب كمهاجم وحيد واخد حريته بشكل افضل 

 

 

 

" تغييرات الفريق "

 

التغيير الاول

 

اول تغيير كان بخروج باسم مرسى ونزول احمد توفيق كان تغيير موفق جدا رغم انه اتقلب عكس اللي كان مطلوب منه في اخر الدقائق 

نزول توفيق ادى اريحية كبيرة لنص ملعب الزمالك خصوصا ابراهيم صلاح وادى اريحية دفاعية لعيد ومؤمن من الجانب الدفاعي فظهر الزمالك بشكل ممتاز هجوميا في اول ربع ساعة من الشوط الاول

توفيق ورغم انه تغييره في اخر الوقت كان مضر للزمالك لان وسط الزمالك بدأ يتراجع للخلف فادى مساحة كبيرة لدمنهور لصناعة اللعب واللعب باريحية في الوسط فظهرت خطورتهم

 

التغيير الثاني

 التغيير التانى كان بنزول حفني بدل من مؤمن زكريا .. تغيير كان في وقته مع اندفاع دمنهور الهجومي كان الزمالك بحاجة للاعب زي حفنى عشان يستغل المساحات في خلف دمنهور 

الزمالك كان في الوقت ده قادر اكثر من مرة انه يخلص المباراة لكن الفرصة كانت بتضيع واحد تلو الاخره وحفني حاول اكثر من مرة لكن تالق حارس دمنهور منعه من التسجيل

التغيير الثالث

التغيير الثالث بنزول اسلام جمال وخروج خالد قمر كان فيه risk كبير من باتشيكو لانه لو لقدر الله كان الزمالك لبس جون في اخر الدقايق كنا هنلعب من غير مهاجم

على الرغم من كده نجح باتشيكو في انه يقضى على خطورة الكور العالية من دمنهور اللي شكلت خطورة كبيرة على الزمالك بفضل نزول 

اسلام جمال اللي لعب كليبرو قدر مع كوفى في انهم يقضوا على خطر الكور العالية تماما ويحمى فوز الزمالك