" تحليل مباراة الجونة " مباراة جيد من الزمالك قدر الزمالك يحمسها من رايي بشخصيته اللي عملها باتشيكو مع قدومه وهي شخصية فريق البطولات وهو انه مهما كان مستوى الفريق هو قادر على الفوز في اي وقت وفي اداء تقييمي ان الشوط الاول كان سئ من الزمالك والشوط التانى كان افضل كثيير من حيث الاداء والتنظيم والتحركات هنستعرض التشكيل الان بالشكل التكتيكي على الملعب : تشكيل من رايي كان عليه علامة استفهام وهو البدا بايمن حفنى .. كان من رايي انه يبدأ باحمد على كمهاجم تانى في بداية المباراة لان فريق زي الجون فريق بيقدر يقفل بشكل ممتاز وكان عليه 11 هدف في 13 مباراة وهو معدل ممتاز بالنسبة لفريق في وسط الجدول .. كان المتوقع منهم ينزلوا الشوط الاول مقفلين بشكل كبير وخاصة على مفاتيح اللعب  فالافضل كان الاعتماد على السيطرة على نص الملعب ولعب الكور العالية للاثنين مهاجمين عشان يعملوا خلخلة لدفاع الجونة ويفتحوا مساحات للاجنحة للتحرك بشكل افضل كان الافضل هو الدفع بايمن من الشوط التانى في حالة التقدم بيكون في مساحات في دفاعات الخصم مناسبة جدا لتحركات ايمن حفنى  1- شكل الزمالك الهجومي بيكون عند طريق تحرك حازم ومؤمن على الاطراف ونزول حفنى في العمق وتقدم توفيق وابراهيم لتحضير الهجمة اما الشكل الدفاعي بيكون في خطة 4-4-1-1 بيرجع مؤمن وحازم يقوموا بدور دفاعي على الاطراف مع بقاء حفنى في الامام قدامه باسم مرسى   2- الزمالك دائما بيحصله ارتباك في التحضير امام اي خصم بيواجه بيعمل ضغط من نص الملعب سواء كان منظم او غير منظم وده يرجع لان مفاتيح لعب الزمالك بتكون مستلمة للرقابة بشكل كبير باستثناء مؤمن زكريا ومبيحصلش تحرك من اغلب اللاعيبة بشكل جيد من غير كورة وده بجانب بطئ التحضير نفسه للفريق فمبيحصلش الا نادرا عملية خلق المفاجاة للخصم من الطرف او العمق في الهجمات المنظمة 3- الزمالك بيكون اكثر تنظيم وتنفيذ لتعليمات باتشيكو لما بيفقد الكرة بيكون هناك عملية ضغط من الامام من باسم و رباعي في الوسط ممثل في مؤمن وحازم وتوفيق وحفنى وبيكون في وراهم للتغطية ابراهيم صلاح احيانا او بيضغط معاهم  من بدري امر زي ده بيخلى اي خصم مش قادر يصنع هجمة على الزمالك من العمق وبيكون الاعتماد منهم على الكرات الثابتة او الكور العالية  4- الزمالك لما لاقى ان الاختراق من العمق هيكون صعب بدأ تحرك الباكين احمد سمير للامام وبيفيضله مؤمن مساحة بدخوله لعمق الملعب او عمر جابر اللي بيساند مع حازم امام في ارسال عرضيات جوه المنطقة لاستغلال راسيات باسم وتواجد مؤمن معاه كانسيد فرود في العرضيات 5- لحظة عتاب على باتشيكو وهو عدم وجود جمل تكتكية بسيطة بين الاطراف والمهاجم او بين الاطراف وحفنى يعنى مثلا كرة من حازم تتلعب لحفنى وبيخترق حازم للداخل وتتلعب له جمل من شأنها تضرب اي دفاع  6- في الشوط التانى بعد الهدف الاول للزمالك ولاول مرة الزمالك بيمسك الكرة بشكل افضل وبيستغل طريقة تدريب باتشيكو وهي اللعب على الـ ball control  هي خطوة مهمة جدا للزمالك قضت بشكل كبير على معنويات الجونة في الملعب وعلى اندفاعهم الهجومي لاحراز التعادل ولكن اللعب والسيطرة على الكرة لازم يكون لقدام مش لوراه السيطرة على الكرة بتكون لتهدئة اللعب والهروب بكورة تقضي على المباراة مش تباصى وراه وباي ميس باص يدخل فيك جون 7- تغيير الزمالك الاول بنزول معروف وخروج حازم وتحول شكل الزمالك الى :    شايفه انه افضل تغيير في المباراة لانه قدر يحافظ للزمالك على الكرة بشكل افضل ولاطول مدة ممكنة من غير ما يحصل ميس باص وينقلها بشكل اسرع لقدام  مع وجود لاعب بامكانيات معروف كان بيريح جدا توفيق في الدور الهجومي وكان بيتقدم ويزيد لقدام بشكل فعال لنقل الهجمة بسرعة مميزة تغيير كمان ادى الحرية لايمن حفنى للانطلاق في دون التقييد بدور دفاعي والرجوع فابداع فانا رايي التغير ده هو اللي كان السبب في تغيير شكل الزمالك للشكل المميز اللي ظهر عليه في الشوط التانى 7- بعد تغيير مؤمن زكريا تحول شكل الفريق الى : تغيير مركز بمركز لاراحة مؤمن زكريا وبتعتبر انذار لمؤمن ان مركزه مش محجوز في التشكيل خصوصا مع اداءه السيئ المباراتين اللي فاتوا ايمن حفنى بيتنقل ناحية الشمال وبيجي عيد ناحية اليمين بواجبات مشتركة بين الدفاعية والهجومية وبيادى الدور المطلوب منه وهو اللعب على الواقف اعتقد ان عيد بدأ يفهم يحترم عامل السن وبطل يعمل اسبرانتاته الخاسرة بسبب كبر سنه وبدأ يلعب على الواقف بشكل افضل 8- تغيير ثالث بنزول دوايدر بدلا من عمر جابر وتحول شكل الزمالك الى : وبيلعب كوفى بدلا من عمر في مركز الظهير الايمن وبيدخل دوايدر في القلب بدلا من كوفى هو مركز معتاد عليه كوفى في منتخب بوركينا فاسو بشكل دائم ولكن اعتقد انه تغيير غير موفق من باتشيكو لانه لو كان لقدر الله دخل في الزمالك جول كان هيحتاج يدفع باحمد على كمهاجم تانى وكان الافضل الصبر على التغيير لاخر الدقائق ثم الدفع بكوفى  7- مؤمن زكريا لاعب دوره كان ولازال مهم في الزمالك .. مؤمن لاعب تحركاته غير واضحة بالنسبة للمدافعين او مش اللاعب اللي بيستسلم للرقابة عليه ده نوع من اللاعيبة قليل جدا وجوده في مصر وهو دوره في التحرك من غير كورة بشكل مميز وده كان اللي بيمثل الخطورة الوحيدة للفريق في الشوط الاول 10- ظهر ابراهيم صلاح في مستوى مميز ومرتفع عن المباراة السابقة في الاستخلاص والباص الصحيح والتحرك والمساندة الدفاعية ابراهيم صلاح احد اهم اللاعيبة اللي في المركز ده في مصر فلازم يكون فايق الفترة القادمة خصوصا امام انبي لانه امام فريق قوى جدا 11- باسم مرسى من رايي هو المهاجم الذي جاء ليخلف عبدالحليم على بعد صبر طويل من جمهور الزمالك لاعب متحرك بشكل ممتاز ومشاغب للدفاعات سواء داخل او خارج المنطقة ومميز في الراسيات بشكل هايل وعنده مهارة في المراوغة مع تميز في تسديد الكرات الثابتة مع قدرته على صناعة الاهداف هو من رايي مهاجم متكامل او زي ما بيقولوا على كافانى completed forward .. استحق انه يكون نجم المباراة الاول من خلال اداءة الرائع 12- على جبر بيظهر بمستوى يقلل جدا ومن اسوء لاسوء للاسف .. على بدأت الثقة المفرطة في قدرته تظهر عليه وبدأنا نستعيد بعض اخطاء فتح الله القاتلة زي التحليق وزي الانفراد اللي بعد الهدف الاول اللي كانت ممكن كورة التعادل للجونة لولا ستر ربنا .. اعتقد ان على لازم يخاف على مركز كأساسي بشكل كبير الفترة الجاية خصوصا مع تالق كوفى ودوايدر 13- ابو جبل ظهر كالعادة بمستوى مهزوز ومع كل كرة كان بيطلع فيها كان بيوقع قلب الزملكاوية معاها اتمنى انه يكتسب الثقة في نفسه لانه حارس ممتاز ويثق في قدراته وفلازم يعتمد على جملة صدق نفسك تتصدق  14- حفنى بيظهر اهمية وجود لاعب بمهارة وامكانيات ايمن حفني في الفريق بيفرقنا عن اي فريق بتقابله .. لاعب بيصنع الفارق في اي وقت 15-  باتشيكو هو مدرب تكتيكي من طراز عالي وهي نوعية مدرب انتظرها الزمالك كثيرا بعد رحيل فينجادا ..  قدر يصنع للفريق شكل دفاعي ممتار مع شكل هجومي بيتحسن يوم بعد يوم مش لازم اكون فريق بيجيب اجوان كثير لكن الاهم اكون فريق بيقدر يكسب تحت اي ظرف وفي اي مكان وهو ده زمالك باتشيكو ** اخطاء اللاعبين **   فقرة هيتم استعراض فيها اخطاء تمركز اللاعبين في الفرص الضائعة على مرمى الزمالك او تمركزهم في الاهداف اللي بيستقبلها الزمالك في المباريات 1- اللقطات بتوضح ان اللاعب مر اولا من ابراهيم صلاح ثم تحرك خاطئ جدا من كوفى بسرعة عشان يلحق الكرة كان لازم يسيب مسافة يقدر من خلالها لو على عيد مد الكرة يستخلصها ويكون له الافضلية منها وهنلاحظ ان المسافة كبيرة بين كوفى وعلى جبر فمقدرش على يغطى بسرعة ومع ذلك مضغطش على على عيد وسددها على وشكلت خطورة كبيرة على الفريق 2- خطأ كبير من على جبر في التمركز بداية والتوقع اللقطة الاولى .. بتكشف اولا ان المهاجم جاي من ظهر على جبر و وقف في ظهره وده شئ غلط جدا لازم المهاجم يكون في صدر المدافع  عندي عتاب بسيط على تمركز كوفى اللي كان لازم يتوقع خطأ على ويتمركز وراه بمجرد ما الكرة اتلعبت  اللقطة الثانية .. الكرة بتعطى من على جبر بسوء تقدير لمركز نزول الكرة وبتحصل هجمة خطيرة على الزمالك لولا ستر ربنا كان هيكون هدف التعادل  3- لقطة خاطئة في التمركز من دوايدر وعلى جبر    اللقطة الاولى .. توضح التمركز الخاطئ لعلى ودوايدر من خلال وجود لاعبين دون رقابة وتراجع على ودوايدر للخلف بشكل مفاجئ  اللقطة الثانية .. بتوضح التراجع من الاثنين مدافعين برضوا وترك مهاجم الجونة دون رقابة او اي ضغط فبتالي بيعمل باص بكعبه لاسلام محارب اللقطة الثالثة .. لولا ضغط ابراهيم صلاح وكوفى كانت هتبقى لقطة تشكل خطورة كبيرة على دفاع الزمالك