" الزمالك التكتيكي .. الزمالك X بتروجيت "
فوز هام جدا للزمالك بفضل ربنا ثم فضل كعب احمد عيد في الجون التانى بيقدم الثلاث نقاط للزمالك العشوائي امام بتروجيت عقدة الزمالك دوما
الزمالك بدأ بالتشكيل الاتى :
لينك الصورة :http://i.imgur.com/12xIFVP.jpg
في بعض الملاحظات وهو البدأ بايمن حفني كجناح وله واجبات هجومية ودفاعية ولكن نوعية اللاعيبة زي حفني لازم تديها الحرية في التحرك ومتقيدوش بواجبات دفاعية بتاخد كثير من مخزونه البدنى
الحل : كان البدأ بحمد شعبان بدل من احد المهاجمين ويلعب كجناح بواجبات دفاعية وهجومية ويلعب حفني كـ AMF وتديها حرية في التحرك ومتلزموش بواجبات دفاعية ترهقه
" الشكل الدفاعي "
في الشوط الاول كان الشكل الدفاعي للزمالك سئ للغاية وخصوصا الجبهة اليسرى وخصوصا مع عدم المساندة الدفاعية بشكل كامل من عيد .. فضى مساحات كثيير خصوصا ان بتروجيت لعب على سمير اللي كان من غير مساندة دفاعية من عيد
فكانت اغلبة خطورتهم عن طريق جبهة سمير في تحركات السريع شمليز بيكلي اللي كان بيتحرك في الجبهتين ولكن مع اصابة سمير حصل اول تغيير بنزول حماده طلبة وخروج احمد سمير وبقى شكل الفريق كالاتى :
لينك الصورة : http://i.imgur.com/K7s9oGA.jpg
نزل طلبة كباك يمين واتحول صالح موسى كباك شمال بدل سمير .. تبديل اغلق الجبهة اليمين تماما من طلبة الممتاز دفاعيا واللي قفل خطورة بتروجيت تماما من جبهته ولكن العمق كان في سرحان
من على جبر و دوايدر خصوصا في لقطة هدف بتروجيت والخطأ الاول لعلى جبر في التشتيت داخل المنطقة كان الافضل في التشتيت لخارج الملعب .. للعلم على ودوايدر بدأوا يتعلموا مهارة التحليق وهي احد اهم مهارة فتح الله اللي ودته في داهية وربنا يستر ..
صالح موسى من بداية وجوده مع الزمالك وانا غير مقتنع بيه تماما ولكن له عذر وحيد على مستواه وهو طول فترة عدم لعبه اللي ممكن يكون احد مبررات اداءه السئ
في الشوط التانى خاصة اخر نص ساعة ظهر دفاع الزمالك متماسك تحركات بشكل افضل وخاصة مع اصابة المزعج شمليز اللي ريح دفاعات الزمالك كثير .. احد اسباب التحسن هو ارتفاع مستوى ابراهيم صلاح في الشوط التانى اللي اتحسن فيه بشكل هايل وفكرنا بابراهيم بداية الموسم
ابراهيم صلاح وتوفيق كانوا بيريحوا الدفاع من النص الاول من ملعبنا من خلال الاستخلاص الصحيح للكرة بشكل ممتاز .. توفيق بيثبت انه احد افضل مكاسب فترة ميدو من خلال اداء ناضح ومميز بيظهر بيه الا الان مع الزمالك
" الشكل الهجومي "
اما بالنسبة للشكل الهجومي بعيد كوينج ليفت بواجبات هجومية اكثر من دفاعية وحفني كوينج ولكن شكله في الملعب اقرب لـ AMF واللي كانت بالنزول للعمق خصوصا مع تقدم وسط بتروجيت و وجود فجوة ما بينه ومابين الدفاع سمحت لحفني بالتحرك فيه بشكل ممتاز
خاصة مع اثنين مهاجمين زي باسم مرسى وخالد قمر الاول كان دوره اشبه بـ SS او مهاجم تانى بينزل ويتحرك خارج المنطقة والتانى كـ CF او مهاجم صريح بالتحرك بشكل اكبر داخل المنقطة
شكلنا في الشوط الاول كان مميز ولكن كان بينقص الفريق اللمسة الاخيرة اللي تنتهي الكرة بجول وده احد اسباب تاخير الجول مع اداء سئ من باسم بسبب تكليفه بادوار مش مناسبة لامكانياته كمهاجم منطقة
اما في الشوط التانى ظهر حفنى كالعادة بشكل ممتاز اللي بدأ معاها يقلب تحركاته مع عيد اللي راح كـ Wing Left واتحول حفنى كـ Wing Right بواجبات هجومية و دفاعية ولكن مع التغيير الثالث ونزول محمد شعبان بدل من باسم مرسى .. اصبح شكل الفريق كالاتى :
لينك الصورة : http://i.imgur.com/TfRThG7.jpg
نزل محمد شعبان بجانب احمد توفيق في وسط الملعب كـ Cmf ومن وراهم ابراهيم صلاح كـ Dmf .. تغيير ادى راحة كبيرة لحفنى في التحرك لقدام بحرية دون الالتزام بالواجبات الدفاعية بشكل كبير
ومن هنا ظهرت خطورته فظهر باداء ممتع كن ناقصه انه يسجل منه هدف ولكن محصلش بسبب الانانية اللي ظهرت على حفنى في بعض الكرات السهلة اللي كان ممكن تريح الزمالك من بدرى وتسهل عليه المباراة
وهي نقطة تعاب على حفنى انه لازم يكون جماعي بشكل اكثر عشان يكون مفيد بشكل اكبر للفريق اما احمد عيد فبدأ مستواه يعلى مع كل مباراة بسبب انه ادرك الجوانب السلبية وبدأ يتجانبها ويلعب على مميزاته وهي مهارته في التحرك والمهارات الفردية وthrow pass
اما التغيير التانى فكان بنزول احمد بدل من باسم مرسى .. اصبح شكل الفريق كالاتى :
لينك الصورة : http://i.imgur.com/K7s9oGA.jpg
احمد على نزل كـ SS تحت خالد قمر للتحرك على الجانبين واستغلال قوته البدنية في الوقوف على الكرة .. احمد على اضاف حيوية وحركة لهجوم الزمالك من خلال تحركاته على الطرف الشمال مع حفنى او في العمق مع خالد قمر
وكانت تحركاته احد اساب هدف الفوز للزمالك .. احمد على مهاجم مجتهد جدا وهيكون له دور مهم جدا مع الزمالك الفترة المقبلة
" ملاحظات "
1- بتروجيت فريق لعب جيم مفتوح فسهل كثير علينا المباراة وظهرت مساحات واسعة كثير لحفنى وعيد وقمر للتحرك لذلك المباراة مش مقياس لباقية المباريات اللي اغلب فرق الدوري لما بتلعبك بتقفل خطوطها بشكل كامل وبتلعب جيم مقفول ودفاعي جدا
خصوصا المباراة الجاية اللي هتلاعب فيها خصم هيقفلك المساحات بشكل منظم وهو المقاولون .
2- لاشك ان رحيل باتشيكو خسارة كبيرة للزمالك .. رحيل مدرسة كروية وفكر تكتيكي محترم خسرناه ولكن فيها بعض العيوب اللي كان ممكن تضيع مننا البطولات واحد العيوب وهو عدم اقتناعه بحفنى ومصطفى فتحى ولكن القادر الوحيد
على تعويض مميزات باتشيكو الدفاعية مع فكر هجومي ممتاز وقادر على قيادة التوليفة الكبيرة من نجوم الزمالك والتعامل النفسي معهم هو فييرا باختصار هو الحل
3- عودة الشناوى وطارق حامد وحازم امام وعمر جابر ومعروف يوسف امام المقاولون هتضيف كثيير للفريق خصوصا الشناوى اللي خسرناه فعلا الفترة الماضية
وكلمة للشناوى على رايي مدحت شلبي : ( اه منك ياللي حرمنا منك ) :D
ليست هناك تعليقات:
إرسال تعليق